टीम : ईगल आय मीडिया
बाल लैंगिक अत्याचारप्रकरणी दाखल गुन्ह्यात आरोपी न करण्यासाठी 25 हजारांची लाच घेताना मिरज ग्रामीण पोलिस ठाण्याचे सहायक पोलिस निरीक्षक समाधान वसंत बिले याला लाचलुचपत प्रतिबंधक विभागाच्या पथकाने मिरजेत रंगेहात पकडले. बिले याच्याविरुद्ध मिरज शहर पोलिसांत गुन्हा दाखल करण्यात आला आहे.
तीन वर्षांपूर्वीच्या बाल लैंगिक अत्याचारप्रकरणी दाखल असलेल्या गुन्ह्यात प्रमुख आरोपीला मदत केल्याबद्दल सहआरोपी न करण्यासाठी तक्रारदाराला 25 हजारांची लाच मागितली होती. आणि याबाबत सांगली लाचलुचपत प्रतिबंधक विभागाकडे तक्रार करण्यात आली होती.
लाच लुचपत प्रतिबंधक विभागाने सापळा लावून काल (दि.8सप्टेंबर ) बुधवारी रात्री मिरज येथे तक्रारदाराकडून 25 हजार रुपये लाच घेताना बिले याला रंगेहात पकडले. या कारवाईमुळे मिरज पोलिस कर्मचार्यात खळबळ उडाली असून याबाबत रात्री उशिरा मिरज शहर पोलिसांत गुन्हा दाखल करण्याचे काम सुरू होते.
