पंढरपूर : ईगल आय मीडिया
पंढरपूर शहरातील कुंभार गल्ली येथील 21 वर्षीय विवाहितेचा धारदार शास्त्राने वार करून खून केला आहे. पहाटे 4 च्या सुमारास ही घटना घडली आहे. घटनास्थळी गेलेल्या पोलिसांनी पतीस अटक केली आहे.
येथील कुंभार गल्ली भागात शुक्रवारी पहाटे चार वाजण्याच्या सुमारास निकिता आकाश पवार या विवाहितेचा पोटावर धारदार शास्त्राने वार करून खून केला आहे.
याबाबत पंढरपूर पोलीस स्टेशन कडून मिळालेली माहिती अशी की, कुंभार गल्ली येथील रहिवाशी आकाश पवार (वय 23) याचे पाच महिने पूर्वी निकिता बरोबर लग्न झाले होते. आकाश याने निकिताच्या चरित्रावर संशय घेऊन मध्यरात्री निकिताचा खून करून स्वतः हुन सकाळी 6 वाजता पोलीस स्टेशन ला हजर झाला आहे. या घटनेची माहिती मिळताच उपविभागीय पोलीस अधिकारी डॉ सागर कवडे, शहर पोलीस निरीक्षक अरुण पवार घटनास्थळी पोहोचले आहेत.या घटनेमुळे कुंभार गल्ली परिसरात खळबळ उडाली आहे.
