पिराची कुरोली येथील निर्मात्याचे यश
टीम : ईगल आय मीडिया
औरंगाबाद येथे होणार्या रोशनी इंटरनॅशनल फिल्म फेस्टीवल २०२१ मध्ये पिराची कुरोली ( ता. पंढरपूर ) येथील श्री मारुती तुकाराम नाईकनवरे सर यांच्या आधार एक बदल या लघु चित्रपटाची निवड झाली आहे.
या फेस्टिवल मध्ये अनेक देशांमधील लघु चित्रपट समाविष्ट झाले होते. त्यामधून आधार एक बदल या लघु चित्रपटाची निवड झालेली आहे.त्याचे लेखक दिग्दर्शक निर्माता आणि कलाकार म्हणून मारुती नाईकनवरे यांनी काम केले आहे.
या लघुचित्रपटात रेश्मा नाईकनवरे,अंबीका जावीर, स्वप्नाली तुपसौंदर,नयना लोखंडे,बंडु नाईकनवरे, राहुल मस्के या कलाकारांनी काम केले आहे. अत्यंत हलाखीची आर्थिक परिस्थिती असूनही मारुती नाईकनवरे यांनी या लघुचित्रपटाची निर्मीती केली आहे. या चित्रपटाची फेस्टिव्हल मध्ये निवड झाल्याने त्यांचे सर्व स्तरातुन कौतुक होत आहे.
