ट्विटर वर व्हीडिओ SHARE करून मिळवला संपर्क
टीम : ईगल आय मीडिया
सोशल मीडियावर नेहमीच सक्रिय असलेला आपला मराठी भिडू अर्थात अभिनेता रितेश देशमुख मुंबईत रस्त्यावर पोटासाठी लाठी फिरवणाऱ्या आजीला मदत करणार आहे.
पुण्यातील शांता बाळू पवार या ८५ वर्षीय आजींचा व्हिडिओ सध्या सोशल मीडियावर धुमाकूळ घालत आहे. या आजी पोट भरण्यासाठी रस्त्यावर काठ्यांचा खेळ करत कसरत करत आहेत. आणि येणारे -जाणारे लोक पाहून त्यांच्याकडे पोटासाठी याचना करते आहे असा व्हीडिओ शुक्रवारी व्हायरल झाला आहे. अल्पावधीत हा व्हिडीओ लाखो लोकांनी पहिला आणि शेअर हि केला. अभिनेता रितेश ने आपल्या ट्विटरवर हा विडिओ शेअर केला आणि या आजींचा संपर्क द्या असे आवाहन केले. त्याच्या या आवाहनाला लगेचच प्रतिसाद मिळाला. त्यानंतर रितेशने माहिती देणाऱ्याचे आभारही मानले.
आता त्या आजीला रितेश काय मदत करतो याकडे लक्ष लागले आहे. सामाजिक जाणीव असलेला अभिनेता म्हणून रितेशची ओळख आहे. यापूर्वीही त्याने अशा प्रकारे अडलेल्या – नडलेल्या लोकांना मदत केली आहे
