डी व्ही पी उद्योग समूहाचे चेअरमन अभिजीत पाटील यांची घोषणा
टीम : ईगल आय मीडिया
राज्यातील साखर कारखान्यामध्ये इथेनॉल प्रकल्पातून ऑक्सिजन निमित्तीचा पायलट प्रोजेक्ट प्रकल्प धाराशिव साखर कारखान्यावर वसंतदादा इन्स्टिट्यूट झुम मिटींगमध्ये करण्याचे निश्चित झाले, अशी माहिती डिव्हीपी उद्योग समूहाचे चेअरमन अभिजित पाटील यांनी दिली.
सध्या कोविडच्या दुस-या लाटेमुळे राज्यात गंभीर परिस्थिती निर्माण झालेली आहे कोविड रूग्णांना ऑक्सिजनची गरज मोठ्या प्रमाणात भासू लागलेली आहे. राज्यात दररोज हजारो रुग्ण आढळत असल्याने ऑक्सिजनचा तुटवडा फार मोठा जाणवत आहे. राष्ट्रवादी चे अध्यक्ष खा. शरद पवार यांच्या आदेशानुसार वसंतदादा इन्स्टिट्यूटने दि.२३ एप्रिल रोजी झूम मिटींगवुदारे राज्यातील प्रमुख साखर कारखानदारांची मिटींग घेतली. त्यामध्ये धाराशिव शुगरचे चेअरमन अभिजीत पाटील सहभागी झाले होते.
बैठकीवेळी व्हीएसआयकडून तातडीच्या उपाययोजना सांगण्यात आल्या. कारखान्यांकडे इथेनॉल प्रकल्प सुरू आहेत, अशा प्रकल्पामध्ये जुजबी फेरफार करून अतिरिक्त सामग्रीत ‘माॅलेक्युलर सिव्ह’ वापरून हावेतील वायुव्दारे ऑक्सिजनची निर्मीती मोठ्या प्रमाणात करण्याचा तपशील चेअरमन अभिजीत पाटील यांनी सांगितला, आणि या मिटींगमध्ये तत्काळ सुरू करण्याचा निर्णय घेण्यात आला.
धाराशिव साखर कारखाना प्रति दिन १६ ते २० टन ऑक्सिजन निर्मिती करणार असल्याचे चेअरमन अभिजीत पाटील म्हणाले. वाढत्या ऑक्सिजन तुटवड्यावर मार्ग काढण्यासाठी राज्यात प्रथमच धाराशिव साखर कारखान्याने पुढाकार घेऊन या ऑक्सिजन निर्मितीचा राज्यातील पहिला पायलट प्रकल्प कार्यरत करीत आहेत.
धाराशिव साखर कारखान्यास ऑक्सिजन निर्मिती तयारीस लागणा-या परवानगी ना.जयंत पाटील यांनी त्वरित देण्याचे सांगून लवकर पायलट प्रकल्प कार्यरत करावा असे सांगितले. वसंतदादा इन्स्टिट्यूट व मौज इंजिनिअरींगच्या टेक्निकलच्या माध्यमातून हि प्रक्रिया करण्यात येणार आहे.
