अज्ञात वाहनाच्या धडकेत सोलापूरच्या दोन शिक्षिकांचा मृत्यू

तुळजापूर तालुक्यातील अणूदूर येथील घटना

सोलापूर : ईगल आय मीडिया
सोलापूर – हैद्राबाद
राष्ट्रीय महामार्गावरील बाभळगांव पुलाजवळील अज्ञात भरधाव वाहनाने ऑक्टिवा मोटार सायकला जोराची धडक दिल्याने दोन महिला शिक्षिकांचा जागीच मृत्यू झाला. हा अपघात शुक्रवारी सायंकाळी चार वाजण्याच्या दरम्यान घडला.
याबाबत अधिक माहिती अशी की सोलापूर येथील शिक्षिका शशिकला नागेश कोळी ( वय 45 वर्ष ) व रोहिणी शंकर सपाटे (वय 35 वर्ष दोघीही रा.सोलापूर) वत्सला नगर आणदूर ( ता. तुळजापूर, जि. उस्मानाबाद ) येथील जिल्हा परिषद प्राथमिक शाळेत कार्यरत होत्या. शालेय व्यवस्थापन समितीची बैठक व विद्यार्थ्याना पुस्तके वाटपाच्या नियोजनासाठी दोघी गेल्या होत्या.
शाळेतील काम झाल्यानंतर परत त्या सोलापूरला ऑक्टिवा मोटारसायकल (एम एच 13 सीएच 9867) वर जात आसताना बाभळगाव (ता.तुळजापूर) येथील तलावाच्या पुलावर पाटीमागुन येणार्‍या भरधाव अज्ञात वाहनाने जोराची धडक दिली. धडक देऊन वाहन निघून गेले.
हा अपघात इतका जोराचा होता की ऑक्टिवा मोटार साइकल जवळपास 300 फुट फरफट गेली व दोन्ही शिक्षिका जागीच ठार झाल्या.

अपघाताची माहिती मिळताच इटकळ औट पोस्ट चे सहाय्यक फौजदार राजाभाऊ सातपुते यांनी घटनास्थळी जाऊन दोन्ही मृत देह शव विच्छेदनासाठी पाठवले.

.यामधील शशिकला कोळी यांच्या पतीचाही मृत्यू गेल्यावर्षी या ठिकाणच्या जवळच अपघातात मृत्यू झाला होता.