ताफा थांबवून जखमी अपघातग्रस्ताना केली मदत
पंढरपूर : ईगल आय मीडिया
पालकमंत्री दत्तात्रय भरणे आणि मोहोळ चे आमदार यशवंत माने यांच्या माणुसकीचे दर्शन आज पंढरपूर- मोहोळ मार्गावर अपघात प्रसंगी झाले.
पंढरपूर -मोहोळ मार्गावरून सोलापूर येथे बैठकीस जात असताना पेनूर जवळ कोन्हेरी फाट्या नजीक दोन मोटारसायकलींचा समोरासमोर अपघात झाला. त्याच वेळी पालकमंत्री दत्तात्रय भरणे व आमदार यशवंत माने याचा ताफा सोलापूर कडे जात असताना त्यांना अपघात झालेला दिसून आला. क्षणाचा ही विलंब न करता जिल्हाचे पालकमंत्री दत्तात्रय भरणे,आमदार यशवंत माने यांनी ताफा थांबवून झालेल्या अपघातामधील माहिती घेऊन जखमीची विचारपूस करून पुढील उपचारासाठी रुग्णालयाकडे रवाना केले.
