सतेज पाटलांच्या टोपण नावावर घेतला आक्षेप
टीम : ईगल आय न्युज
विधानसभेचे विरोधी पक्षनेते अजित पवार यांनी शनिवारी कोल्हापूर येथे काँग्रेस नेते सतेज उर्फ बंटी पाटील, ऋतुराज पाटील यांच्यावर मिश्किल टिपण्णी केल्या. बंटी बंटी झालेत. त्यामुळे बंटी म्हणू नका अशी सूचना केल्यामुळे कार्यक्रमाच्या ठिकाणी जोरदार हशा पिकला.
अजित पवार शनिवारी एका हॉटेलच्या उदघाटना साठी कोल्हापूर येथे आले होते. यावेळी पवार यांनी सतेज पाटील यांना टोपणनावावरून चिमटे काढले.
अजित पवार म्हणाले मी कितीतरी वेळा सांगतोय सतेज पाटील यांना आता बंटी बंटी म्हणणे बंद करा. बंटीला आता बंटी झालेत. ते काय आता लहान राहिले नाहीत, असं म्हणत सतेज पाटील यांना चिमटा काढला. यावेळी सतेज पाटील यांच्यासह सर्वच मंडळी हसू लागले. यानंतर अजितदादांनी आपला मोर्चा ऋतुराज पाटील यांच्याकडे वळविला. ऋतुराज ला काही टोपण नाव आहे का नसेल बहुतेक कारण ऋतुराज हे नाव उच्चारताना किती मस्त वाटते असे म्हणत ऋतू… राज… असे म्हणाले.
तसेच ऋतुराज पाटील यांच्याच कार्यक्रमात त्यांच्यावर बोलू, असेही सांगितले. पवारांच्या या मिश्किल वक्तव्यानंतर उपस्थितांत चांगलाच हशा पिकाला. तर आता याचा व्हिडिओ सोशल मीडियात व्हायरल होत आहे.
हॉटेलचे उद्घाटन असल्याने अजित पवार यांनी स्वच्छतेचे धडे देखील दिले. हॉटेलची स्वच्छता कशी राखली पाहिजे हे सांगत मी एकदा हॉटेलला येणार आहे म्हटलं की तेथील इंजिनियर्स सर्व स्टाफ स्वच्छतेला लागतं. एखाद्या रूममध्ये एखादा केस जरी मला सापडला तर मी सहन करत नाही.
आपण ज्याचे पैसे घेतो त्याचे काम चोख आणि प्रामाणिकपणे पार पाडले पाहिजे. असे म्हणत अजित पवार यांनी सतेज पाटील यांच्या डीवायपी ग्रुपच्या हॉटेल मधील स्वच्छतेचे त्यांनी कौतुक केले. डीवायपी ग्रुप हा सर्व काही आपल्यातच ठेवतं बाहेर काही जाऊ देत नाहीत आशी चेष्टा केली. यावेळी सतेज पाटील हसत त्यांना हात जोडून नमस्कार केला.
