कोर्टी येथे प्रचार सभा संपन्न : पंढरपूरमध्ये घर, मंगळवेढ्यात कारखाना : अनिल सावंत
पंढरपूर : प्रतिनिधी
या मतदारसंघात आपला विरोधक फक्त आणि फक्त भाजप आणि विद्यमान आमदार आहेत. गतवेळी दोन निवडणुकीत मोठ मोठी आश्वासने दिल्याने त्यांच्यावर विश्वास ठेवून जनतेने त्यांना मतदान केले. पण त्यांनी काय केले ? जेवढा निधी आणल्याचा दावा ते करीत आहेत, तेवढा विकास झाला आहे का ? जिथे आमदारांनी आपल्या कार्यकर्त्यांना वाऱ्यावर सोडले तिथे सर्व सामान्य जनतेचे काय ? असा सवाल करून सर्व सामान्य मतदारानी आपला माणूस म्हणून मला संधी द्यावी, या संधीचे सोने करून दाखवेन अशी ग्वाही, पंढरपूर – मंगळवेढा मतदारसंघाचे राष्ट्रवादी शरदचंद्र पवार पक्षाचे अधिकृत उमेदवार अनिल सावंत यांनी केले. कोर्टी या गावांमध्ये सावंत यांची प्रचार सभा संपन्न झाली. यावेळी कोर्टी गावातील तसेच महाविकास आघाडीतील पदाधिकारी कार्यकर्ते तसेच गावातील ग्रामस्थ महिला भगिनी मोठ्या संख्येने उपस्थित होते.
अदरम्यान, लक्ष्मी टाकळी येथील आ. समाधान आवताडे गटाचे नेते आणि श्री विठ्ठल सहकारी साखर कारखान्याचे माजी निमंत्रित संचालक प्रमोद देठे, कल्याणराव काळे गटाचे आणि सहकार शिरोमणी वसंतराव काळे सहकारी साखर कारखान्याचे माजी संचालक महादेव देठे यांनी बुधवारी अनिल सावंत यांच्या नेतृत्वाखाली राष्ट्रवादी काँग्रेस मध्ये केला. तसेच लक्ष्मी टाकळी गावातून सावंत यांना चांगले मताधिक्य मिळवून देण्याचा विश्वास व्यक्त केला. प्रमोद देठे यांच्या राष्ट्रवादी प्रवेशामुळे आ. समाधान आवताडे यांना टाकळी मध्ये धक्का बसला आहे.
यावेळी पुढे बोलताना सावंत म्हणाले की, जो व्यक्ती दोन- दोन, तीन-तीन वर्ष नॉट रिचेबल राहतो, या मतदार संघामध्ये ज्यांचे काहीही काम नाही अशा व्यक्ती वरती कोण विश्वास ठेवणार ? मला संधी मिळाली तर सामान्य जनतेला केंद्र भूत ठेऊन विकास कामांना प्राधान्य दिले जाईल, मला मतदान म्हणजे शरद पवाराना, मतदान महाविकास आघाडीला मतदान, विकासाला मतदान आहे. त्यामुळे एक विश्वासू माणूस, एक हक्काचा माणूस म्हणून आपण मतदान करावे, असे आवाहन अनिल सावंत यांनी केले.
पंढरपूर मध्ये घर, मंगळवेढ्यात कारखाना : अनिल सावंत
या भागात गेली पंधरा वर्षे झाले मी, एक साखर कारखाना चालवतो, माझ्यापासून मंगळवेढा व पंढरपूर या दोन्ही तालुक्यांमध्ये सर्व शेतकरी तसेच जनतेचा चांगला संपर्क असून आपले प्रश्न सोडवण्यासाठी माझे घर पंढरपूर मध्ये आहे, तसेच मंगळवेढा तालुक्यात साखर कारखाना असल्याने सर्वांना कधीही मी उपलब्ध होणार आहे.
येणाऱ्या काळात मतदारसंघांमध्ये चांगले हॉस्पिटल्स,शाळा कॉलेजेस,बेरोजगारांना रोजगार मिळण्यासाठी कंपन्या रस्ते,शेतकऱ्यांसाठी पाणी,शहरांमध्ये असलेल्या गटारांची असुविधा या सर्व समस्यांवरती काम करण्याची एक संधी मला द्या त्या संधीचे सोने करून मी दाखवीन. त्यामुळे येणाऱ्या वीस तारखेला मला भरघोस मतांनी निवडून द्या व तुमच्या लोकसेवक म्हणून सेवा करण्याची संधी द्या असे आवाहन मतदारांना केले.
