पंढरपूर : ईगल आय मीडिया
उजनी धरणातून सोडण्यात येणारा विसर्ग सकाळी 8 वाजता 25 हजार क्यूसेक्स इतका वाढवण्यात आलेला आहे. त्याचबरोबर वीजनिर्मिती 1600 असा 26600 क्यूसेक्स इतका विसर्ग भीमा नदीला सोडला जात आहे. त्यामुळे भीमा नदीला पुरसदृश्य परिस्थिती निर्माण होणार आहे.
पुणे जिल्ह्यात शुक्रवारी झालेल्या पावसामुळे शनिवारी सकाळी 4 धरणातून पाणी सोडण्यात येत आहे. त्यामुळे बंडगार्डन येथे 7 हजार 200 क्यूसेक्स तर दौंड येथे हाच विसर्ग 12 हजार क्यूसेक्स आहे. धरण 110 टक्के भरले असल्याने उजनी धरणात वरून येणाऱ्या विसर्गनुसार पाणी सोडण्याचे प्रमाण कमी अधिक होणार आहे. रवीवारी सकाळी 25 हजार क्यूसेक्स विसर्ग वाढवण्यात आलेला आहे. तसेच कालवा, बोगदा, वीजनिर्मिती यासाठीही पाणी सोडले जात आहे.
पूरस्थिती निर्माण होऊ नये यासाठी आता उजनीतून सोडण्यात येणाऱ्या पाण्याचा विसर्ग वाढवण्यात येत असून शनीवारी रात्री 16 दरवाजे उचलून 25 हजार क्यूसेक्स केला आहे.
दरम्यान वीर धरणातून सोडण्यात येणारा विसर्ग मात्र शनिवारी सकाळपासून बंद केला आहे.
