धाराशिव साखर कारखाना बाॅयलर प्रदिपन संपन्न

4 लाख टन ऊस गाळपाचे उद्दिष्ट

पंढरपूर : ईगल आय मीडिया

धाराशिव साखर कारखाना युनिट१ च्या सन२०२०-२१चा “९वा बाॅयलर अग्निप्रदिपन” शुभारंभ चोराखळीचे ममाजी सरपंच श्री.खंडेराव मैदांड यांच्या सुविद्य पत्नी सौ.अरूणाताई मैदांड यांच्या हस्ते होम – हवन पुजा संपन्न झाली.

याप्रसंगी उस्मानाबाद जनता सहकारी बँकेचे चेअरमन ब्रिजलाल मोदाणी, व्हाईस चेअरमन विश्वासआप्पा शिंदे, मनसेचे सहकार सेनेचे शाॅडो सहकारमंत्री दिलीपबापू धोत्रे, अनंत आखाडे दाजी, डाॅ. जोगदंड, मनसेचे शशिकांत पाटील, सोमनाथ राऊत, रविराजे देशमुख, अभिजीत हुबे, सरपंच बाबा साठे यावेळी कारखान्याचे संचालक रणजित भोसले, दिपक आदमिले, विकास काळे,रामभाऊ रांखुडे,आदी कर्मचारी उपस्थित होते.

कोरोनाच्या काळात सोशल डिस्टिंगशन ठेवून कारखान्याची कामे अधिकारी, कर्मचाऱ्यांनी पुर्ण केली. कारखान्याची सगळी कामे अंतिम टप्यात असून यंदा चार लाख टन ऊस गाळप करण्याचे उद्दिष्ट आहे. कर्मचाऱ्यांना पगार वाढ देण्यात आली असून पुढील काळात ज्युस ते इथेनॉल प्रक्रिया लवकरच चालू करणार आहे. असावणी प्रकल्प हा पुढील काही महिन्यात सुरू होत असून शेतकऱ्यांच्या ऊसाला चांगला भाव देण्याचे यावेळी चेअरमन अभिजित ( आबा ) पाटील यांनी घोषीत केले.

कोरोनाच्या काळात शेतकरी हा आर्थिक दृष्ट्या अडचणीत आला असून यंदा पावसाने कृपादृष्टी दाखवल्याने शेतकऱ्यांमध्ये समाधान दिसत आहे. शेतकऱ्याची पिकं, ऊस चांगल्याप्रकारे आली असून त्यामुळे ऊस टनेजमध्ये वाढ होण्याची अपेक्षा आहे. शेतकऱ्यांनी आजपर्यंत कारखानावर ठेवलेल्या विश्वासाला जागत ऊस देऊन सहकार्य करावे. असेही पाटील यांनी सांगितले.

Leave a Reply

error: Content is protected !!