धाराशिव साखर कारखाना ; पोळा सणासाठी दुसरा हफ्ता २००रू.

चेअरमन अभिजीत पाटील याांची घोषणा

पंढरपूर : ईगल आय मीडिया
चोराखळी ( ता.कळंब, जि.उस्मानाबाद ) येथील धाराशिव साखर कारखाना युनीट १ या साखर कारखान्याने गेल्यावर्षी सन २०१९-२० गळीत हंगामात शेतकरी सभासदांना बैल पोळा सणासाठी 200 रुपये दुसरा हफ्ता जाहीर केला आहे. कारखान्याने यापूर्वी ऊसाला पहिला हफ्ता म्हणून २१००रू. दिले आहेत. कोरोनाच्या पार्श्वभूमीवर सर्वत्र आर्थिक अडचणी आहेत, शेतकरी आर्थिक संकटात आहे, त्यामुळे बैल पोळा हा शेतकऱ्यांसाठी महत्वाचा असून त्याकरिता
दुसरा हाफ्ता पोळा सणासाठी २००रू देत असल्याचेे चेअरमन अभिजीत पाटील यांनी घोषित केले आहे.

सन २०१९ -२० उस गाळपास पाठविलेल्या शेतकऱ्यांच्या ऊसाला एफआरपी पेक्षा जास्त दर देणार असल्याचे चेअरमन अभिजीत पाटील यांनी जाहीर केले होते. त्यानुसार दिलेला शब्द पाळत कोरोनाच्या संकटात आर्थिक अडचणीत शेतकरी आला असल्याने शेतकर्याना आर्थिक आधार मिळणार आहे. यंदा पाऊसकाळ चांगला असल्यामुळे या पैशातुन पोळा , लक्ष्मी, गणपती सणास जीवनावश्यक वस्तू खरेदी करण्यास, उसाची जोपासणूक करून खत तसेच पिकावरील फवारण्या करण्यास या पैशाचा फायदा होणार आहे .कारखाना नेहमी कर्मचारी आणि शेतकरी सभासदाचे हिताचे निर्णय घेत असून सर्वांच्या सुख दुःखात नेहमी डीव्हीपी उद्योग समूहाचे चेअरमन अभिजीत पाटील सहभागी असतात.

शेतकऱ्यांना येत्या दोन दिवसात दुसऱ्या हप्त्याचे दोनशे रुपयाचे चेक घरपोच मिळतील असे चेअरमन अभिजीत पाटील यांनी सांगितले.

Frp पेक्षा दिले 100 रुपये जास्त

तसेच सन २०१८- १९ एफआरपी पेक्षा जास्त दर देऊन मागील १०० रूपये शेतकऱ्यांना देऊन आपला शब्द खरा केला आहे.
अंतीम बिल पोहच केल्या बद्दल उस उत्पादक शेतकरी वर्गातुन समाधान व्यक्त होत आहे.