व्यंकटेश्वरा साखर कारखाना मिल रोलर पूजन संपन्न
पंढरपूर : ईगल आय मीडिया
लोहा ( जि. नांदेड ) येथील , व्यंकटेश्वरा साखर कारखाना युनिट नंबर 3 च्या पहिल्या गळीत हंगामाचा मिल रोलर पुजन प्रगतशील शेतकरी गंगाधर बाबा जामगे यांच्या शुभहस्ते आज पार पडले.
यावेळी माऊली जामगे, गंगामामा जामगे, कारखान्याचे जनरल मॅनेजर संजय पाटील, हनुमंत पाटील, धाके, चिफ इंजिनीअर पवार, चिफ केमिस्ट पेटे, शेती अधिकारी जाधव व कर्मचारी उपस्थित होते.
यावेळी बोलताना dvp उद्योग समूहाचे चेअरमन अभिजित पाटील म्हणाले की,
गेल्या वर्षी पहिला चाचणी हंगाम घेण्यात आला होता, कारखाना लगतच गोदावरी नदी असल्याने भरपूर ऊस आहे. यावर्षी पाऊसकाळ चांगला पडला असल्याने शेतकऱ्यांनी सुद्धा यंदा ऊस लागवड मोठ्या प्रमाणात केली आहे, या हंगामात पुर्ण क्षमतेने कारखाना चालवून ५ लाख गाळप केले जाईल. शेतकऱ्यांनी कारखानाकडे नोंदणी करावी. सर्व ऊसाचे गाळप होई पर्यंत कारखाना चालु ठेवू सर्व ऊस गाळपास आणला जाईल. वाहनाचे करार पुर्ण करुन घेऊन हंगाम वेळेत सुरु होईल असे सांगून , सध्या कोरोनाच्या काळामध्ये कर्मचाऱ्यांना काळजी घ्यावी, असे आवाहनही पाटील यांनी केले.
