आज सकाळची उपरी येथील दुर्घटना
पंढरपूर : ईगल आय मीडिया
उपरी ( ता.पंढरपूर ) येथे आज सकाळी मॉर्निंग वॉक साठी।गेलेल्या वृद्ध नागरिकास ऊस वाहतूक करणाऱ्या ट्रॅक्टर ने चिरडले. यामुळे वृद्धाचा जागीच मृत्यू झाला. ऊस वाहतूक करणारा ट्रॅक्टर पंढरपूर कडे निघाला होता.
ट्रॅक्टर चालक दारू प्यायलेला होता हे निदर्शनास आले. गुरूवारी सकाळी 6 वाजण्याच्या सुमारास तुकाराम आत्माराम नागणे ( वय 75 , रा.उपरी ) हे मॉर्निंग वॉक साठी निघाले असता ऊस वाहतूक करणाऱ्या रिकाम्य ट्रॅक्टर ने त्यांना जोराची धडक दिली.
ट्रॅक्टर आणि ट्रेलर ही वृद्धांच्या अंगावरून गेल्याने त्यांचा जागीच मृत्यू झाला. ट्रॅक्टर चालक दारु प्यायलेला होता असे दिसून आले. मद्यधुंद अवस्थेत त्याचे ट्रॅक्टरवर नियंत्रण राहिले नव्हते असे प्रत्यक्षदर्शी नागरिकांकडून सांगण्यात येते. संतप्त नागरिकांनी ट्रॅक्टर चालकास चांगला चोप दिला असेही समजते.
