टीम : ईगल आय मीडिया
पुण्याच्या दिशेने निघालेल्या कारची समोरून येणाऱ्या ट्रक शी जोरदार धडक बसून झालेल्या अपघातात कारमधील 4 जण ठार झाले तर एक जण जखमी झाला आहे. अपघातातील कारचा चक्काचूर झाला आहे.
पुणे – बंगळुरू राष्ट्रीय महामार्गावर कराड तालुक्यातील वडगाव हद्दीत आज ( रविवारी ) हा अपघात झाला.
कोल्हापूर हुन पुण्याच्या दिशेने निघालेल्या भरधाव स्विफ्ट कारवरील चालकाचे नियंत्रण सुटले आणि स्विफ्ट कार दुभाजकावरुन दुसऱ्या लेनवर गेली व समोरून येणाऱ्या ट्रक ला धडकली. या अपघातात 3 जण जागीच ठार झाले. जखमी दोघांना उपचारासाठी हॉस्पिटलमध्ये नेले असताना एकजण उपचार सुरू करण्यापूर्वी च ठार झाला. तर 1 जण गंभीर जखमी झाला आहे.
कराड ( जि. सातारा ) जवळ वडगाव जवळ हा अपघात झाला आहे. अपघात झाल्यानंतर महामार्गावरील वाहतूक विस्कळीत झाली होती. मागच्या आठवड्यात कराड जवळ झालेल्या भीषण अपघातात 3जण ठार झाले होते.
