पंढरपूर तालुक्यातील 87 रुग्ण बरे : पॉझिटिव्ह रुग्ण 281
पंढरपूर : ईगल आय मीडिया
शुक्रवारी पंढरपूर शहरात नव्याने 10 पॉझिटिव्ह रुग्ण आढळले आहेत. तर वाखरी येथे नवीन 3 भंडीशेगाव येथे 2 असे 10 नवीन पॉझिटिव्ह रुग्ण सापडले आहेत. तर या अहवालात एकूण 63 लोकांचे अहवाल निगेटिव्ह आले आहेत. त्यामुळे पंढरपूर शहर व तालुक्यातील एकूण रुग्णांची संख्या 281 एवढी झाली झाली आहे.
तालुका वैद्यकीय अधिकारी डॉ एकनाथ बोधले यांनी दिलेल्या माहितीनुसार शुक्रवारी 15 लोकांचे swab टेस्टिंग अहवाल पॉझिटिव्ह आले होते.
रात्री उशिरा आणखी 73 एवढ्या लोकांचे अहवाल प्राप्त झाले. त्यापैकी शहरात 10 तर ग्रामीम भागात 5 अहवाल पॉझिटिव्ह आले आहेत. ग्रामीण भागात वाखरी येथे यापूर्वी सापडलेल्या पुरुष रुग्णांच्या कुटुंबातील 3 जणांचे अहवाल पॉझिटिव्ह आल्याने गावातील एकूण रुग्ण संख्या 6 झाली आहे. तर भंडीशेगाव येथे आणखी 2 अहवाल पॉझिटिव्ह आल्याने त्या गावातील रुग्ण संख्या 3 वर गेली आहे. हे दोन्ही पती पत्नी आहेत.
पंढरपूर शहरात आणखी 10 रुग्ण पॉझिटिव्ह आल्याने शहरात एकून रुग्ण 205 झाले आहेत. तालुक्यातील रुग्णांची संख्या 281 पर्यंत पोचली आहे .
176 लोकांवर उपचार सुरू आहेत तर 87 लोकांना घरी सोडण्यात आले आहे.
