पंढरपूर : ईगल आय मीडिया
पंढरपूर-मंगळवेढा मतदारसंघाचे सदस्य आ.भारत भालके यांचा कोरोना अहवाल पॉझिटिव्ह आल्याचे वृत्त असून उपचारासाठी आ.भालके मुंबई ला रवाना होत असल्याचे समजते.
काही दिवसांपूर्वीच आम.भालके यांचे पुत्र आणि विठ्ठल सहकारी साखर कारखान्याचे संचालक भगीरथ भालके हे सुद्धा पॉझिटिव्ह आले होते. तसेच विठ्ठल सहकारी साखर कारखान्याचे कार्यकारी संचालक, वर्क्स मॅनेजर, कार्यालयीन सचिव यांच्यासह जवळपास 20 कर्मचाऱ्यांना कोरोनाची लागण झाली होती.
गेल्या काही दिवसांत कारखाना सुरू करण्यासाठी भालके पिता पुत्र सतत कारखान्याचे अधिकारी, कर्मचारी यांच्या संपर्कात होते. तसेच कामानिमित्त सतत मुंबई, सोलापूर, पुणे दौरे होत असत या दरम्यान भालके यांचा संपर्क आला असावा अशी शक्यता व्यक्त होत आहे.
भगीरथ भालके हे सध्या कोरोनामुक्त होऊन घरी विश्रांती घेत आहेत. मात्र आजच आ. भालके यांचा कोरोना चाचणी अहवाल पॉझिटिव्ह आल्याचे खात्रीशीर वृत्त आहे.
भालके याना सध्या सौम्य स्वरूपाची लक्षणे आहेत. मात्र खबरदारी म्हणून त्यानी मुंबईतील हॉस्पिटलमध्ये उपचारासाठी दाखल होण्याचा निर्णय घेतला असल्याचे समजते.