तलावात बुडून आईसह दोन मुलींचा मृत्यू

मंगळवेढा तालुक्यातील दुर्घटना

मंगळवेढा : दत्ता कांबळे

तळसंगी ( ता.मंगळवेढा ) येथील तलावात कपडे धुण्यासाठी गेलेल्या आई व दोन मुलींचाही तलावात बुडून मृत्यू झाल्याची आज घडली आहे. रेश्मा बगताज शेख (वय 35 वर्षे ) , सुफीया बगताज शेख (वय 11 वर्षे ), खुशबू बगताज शेख (वय 9 वर्षे ) असे मयत झालेल्या माय-लेकींची नावे आहेत. घटनेची खबर आसलम नबीसो शेख  यांनी मंगळवेढा पोलिसात दिली आहे.

याबाबत सविस्तर माहिती अशी की, शनिवारी सकाळी गावाजवळ असलेल्या तलावामध्ये धुणे धुण्यासाठी रेश्मा बगताज शेख व त्यांच्या मुली सुफीया व खुशबू तळ्यावर गेल्या होत्या. 

त्यावेळी रेश्मा शेख यांचा पाय घसरून तोल गेला आणि त्या पाण्यात पडल्या. त्यांना पोहता येत नसल्याने बुडू लागतयानंतर त्यांच्या मदतीसाठी सुफीया व खुशबू या मुलींनीही  पाण्यात उडी घेतली.मात्र त्या मुलींनाही पोहता येत नसल्याने त्याही बुडू लागल्या. 

ही घटना पाहताच गावातील नागरिकांनी उड्या टाकून तिघींना पाण्याबाहेर बाहेर काढले. मात्र तिघींना पोहता येत नसल्यामुळे बुडून मृत्यू झाला आहे.