टीम : ईगल आय मीडिया
डोंबिवली फास्ट या सर्वांगसुंदर मराठी चित्रपटासह दृश्यम, फोर्स सारखे यशस्वी हिंदी चित्रपट दिग्दर्शन करणारे निशिकांत कामत यांचे आज हैदराबाद येथे निधन झाले.ते 50 वर्षांचे होते.
गेल्या काही दिवसांपासून त्यांना यकृताचा आजार होता, त्यांचं हेच दुखणं पुन्हा एकदा बळावल्यामुळे त्यांना रुग्णालयात दाखल करण्यात आलं होतं.हैदराबादमधील खासगी रुग्णालयात त्यांच्यावर उपचार सुरू होते. अखेर सोमवारी त्यांची प्राणज्योत मालवली.
दृष्यम, मदारी, मुंबई मेरी जान यांसारख्या अनेक हिंदी चित्रपटातून निशिकांत कामत यांनी आपला ठसा बॉलिवूडमध्ये उमटवला आहे. त्याआधी डोंबिवली फास्ट या चित्रपटाचं दिग्दर्शन केल्यानंतर डोंबिवली फास्ट चित्रपटाला राष्ट्रीय पुरस्कार मिळाला होता. तसेच रॉकी हँडसम चित्रपटात निशिकांत कामत यांनी खलनायकाची भूमिका केली होती.
