भाजपच्या ही एका माजी मंत्र्यांना कोरोना
टीम : ईगल आय मीडिया
राज्यातील कोरोनाचा विळखा घट्ट होत असून ठाकरे सरकारमधील मंत्रीसुद्धा यात बाधित होऊ लागले आहेत. शुक्रवारी ग्रामविकास हसन मुश्रीफ आणि ऊर्जा मंत्री नितीन राऊत कोरोना पॉझिटिव्ह आले तर शनिवारी राज्यमंत्री बच्चू कडू यांचाही करोना रिपोर्ट पॉझिटिव्ह आला आहे. दरम्यान, माजी मंत्री सुधीर मुनगंटीवार यांनाही शनिवारी कोरोना पॉझिटिव्ह झाला आहे.
शनिवारी मंत्री बच्चू कडू यांनीच ट्विट करून ही माहिती दिली. ‘ माझी करोना चाचणी पॉझिटिव्ह आली आहे. माझ्या संपर्कात आलेल्या सगळ्यांनी करोना चाचणी करुन घ्यावी’ असं ट्विट करत बच्चू कडू यांनी ही माहिती दिली आहे. फडणवीस सरकारमधील माजी मंत्री आम सुधीर मुनगंटीवार यांचाही कोरोना अहवाल पॉझिटिव्ह आला आहे.
शुक्रवारी दोन मंत्री करोना पॉझिटिव्ह
शुक्रवारी उर्जामंत्री नितीन राऊत आणि ग्रामविकास मंत्री हसन मुश्रीफ या दोन मंत्र्यांना करोनाची बाधा झाली. या दोघांनीही यासंदर्भातली माहिती ट्विट करत दिली. तसंच लवकरच आपण करोनावर मात करुन लोकांच्या सेवेत हजर होऊ असाही विश्वास व्यक्त केला. इतकंच नाही तर जे चे कुणी संपर्कात आले आहेत त्यांनीही करोना चाचणी करुन घ्यावी असं आवाहनही केलं.
मागील काही दिवसांपासून राज्यमंत्री बच्चू कडू हे सातत्याने लोकांच्या संपर्कात येत होते. बच्चू कडू यांच्या पत्नी नयना कडू यांनाही करोनाची लागण झाली आहे. ठाकरे सरकारमधील धनंजय मुंढे, जितेंद्र आव्हाड, बाळासाहेब पाटील, अशोक चव्हाण आदी मंत्री यापूर्वी पॉझिटिव्ह झाले होते.
