गटविकास अधिकारी सुशील संसारे यांची बाभुळगाव ता. पंढरपूर येथे भेट
पंढरपूर : प्रतिनिधी
पंढरपूर तालुका पंचायत समितीचे गटविकास अधिकारी सुशील संसारे यांनी गुरुवारी बाभुळगाव येथे भेट दिली. यावेळी ग्रामपंचायतीच्या वतीने सुरु असलेल्या विविध कामांची पाहणी केली. तसेच जिल्हा परिषदेच्या शाळेत जाऊन विद्यार्थ्यांचा वर्गही घेतला.
यावेळी सरपंच सौ. अश्विनी बलराज चव्हाण यांनी गट विकासअधिकारी सुशील संसारे यांचे स्वागत केले. ग्रामविकास अधिकारी बेडेकर व सर्व कर्मचारी यांच्याशी संवाद साधून विविध योजनांची माहिती दिली.
गुरुवारी गटविकास अधिकारी संसारे यांनी बाभुळगाव ग्रामपंचायतला भेट दिली. यावेळी त्यांनी ग्रामपंचायत कार्यालयातील विकास कामांचा वार्षिक अहवाल तपासला. तसेच जिल्हा परीषद शाळेला भेट दिली आणि विद्यार्थ्याचा वर्ग घेतला. विद्यार्थ्यांकडून इंग्रजी विषयाचे वाचन करून घेतले. विविध खेळाविषयी विद्यार्थ्यांशी चर्चा केली.
दरम्यान शाळेच्या शौचालयाची पाहणी करून काही सूचना दिल्या, यावेळी मुख्यद्यापक सौ.पवार, शिक्षक काळेल, जाधव, स्वामी, बिरादार उपस्थित होते.
