पंढरपूर तालुक्यात 309 नवे रुग्ण : 2 रुग्णांचा मृत्यू

पंढरपूर : ईगल आय मीडिया

पंढरपूर तालुक्यात मागील 24 तासात 309 लोकांचे अहवाल कोरोना पॉझिटिव्ह आले आहेत तर 2 लोकांचा मृत्यू झाला आहे. आजवरची एका दिवसातील ही सर्वात मोठी रुग्णवाढ असून आरोग्य व्यवस्थेवर पुढील काही दिवस मोठा ताण पडणार आहे असे दिसून येते.

पंढरपूर – मंगळवेढा विधानसभा पोटनिवडणुक नुकतीच संपन्न झाली आहे, त्यानंतर पंढरपूर शहर आणि तालुक्यातील रुग्ण संख्या दरदिवशी वाढत आहे. यामुळे भीतीदायक वातावरण निर्माण झाले आहे.

पंढरपूर तालुक्यात शुक्रवारी ( 23 एप्रिल ) रोजी 309 रुग्ण आढळले आहेत.शहरात 111 तर ग्रामीण भागात 198 रुग्ण वाढले आहेत. तर ईश्वर वठार आणि धोंडेवाडी येथील प्रत्येकी एका रुग्णाचा मृत्यू झाला आहे.