एकूण बाधित रुग्ण 453 : बोहाळीमध्ये एकदम 6 रुग्ण
पंढरपूर : ईगल आय मीडिया
मंगळवारी शहर व ग्रामीण 33 अहवाल पॉझिटिव्ह आहेत. यासह तालुक्यातील एकूण पॉझिटिव्ह रुग्ण संख्या 453 एवढी झाली आहे.
शहरात नवीन 16 तर ग्रामीण भागात 17 रुग्ण आहेत. आजच्या अहवालात सर्वाधिक बोहाळी गावात 6 रुग्ण आढळून आले आहेत. मंगळवार एकूण 78 अहवाल आले, त्यापैकी 45 निगेटिव्ह तर 33 पॉझिटिव्ह अहवाल आले आहेत.
तालुका वैद्यकीय अधिकारी डॉ. एकनाथ बोधले यांनी दिलेल्या माहितीनुसार पॉझिटिव्हमध्ये शहरात नवीन रुग्ण घोंगडे गल्ली, गांधी रोड, चंद्रभागा घाट, कवठेकर गल्ली, महाद्वार व्यापारी संकुल शेजारी, बँकट स्वामी मठाजवळ, परदेशी नगर, मनीषा नगर, शिंदे वस्ती, सावता माळी मंदिर जवळ, तिरंगा नगर अशा परिसरात तर ग्रामीणमध्ये बोहाळी, फुलचिंचोली, भटुंबरे, सरकोली, नेपतगाव, शिरभावी, तुंगत, करोळे या गावांमध्ये रुग्ण सापडले आहेत.
पंढरपूर शहर व तालुक्यातील एकूण रुग्णांची संख्या 453 एवढी झाली आहे .
