पंढरपूर : ईगल आय मीडिया
आव्हे ( ता.पंढरपूर ) येथे बिबट्या सदृश्य प्राण्याने एका शेतकऱ्याच्या गोठ्यातील वासराचा बळी घेतला आहे. त्यामुळे पेहे, पटवर्धन कुरोली, शेवते परिसरात खळबळ उडाली आहे.
आव्हे येथील शेतकरी सदाशिव नाना पाटील यांनी शेतातील गोठ्यात 4 संकरित गाई, 1 देशी गाय, 1 म्हैस आणि तिचे रेडकू अशी जनावरे बांधलेली होती. रात्री 11 वाजता पाटील हे जनावरांना चारा टाकून झोपी गेले होते. आणि पहाटे 5 वाजता उठल्यानंतर त्यांना दिसून आले की 2 महिन्याच्या एका वासराचे पोट फाडले होते.
बिबट्या प्राणी अशा प्रकारे हल्ला करतो हे लक्षात आल्यानंतर खळबळ उडाली आहे. करमाळा तालुक्यात मागील महिन्यात बिबट्याने दहशत माजवली होती, तसेच 4 नागरिकांचा बळी घेतला होता. त्यानंतर बिबट्याची शिकार केली गेली.
त्यावेळी अनेकांनी एकापेक्षा जास्त बिबट्या असल्याचा अंदाज व्यक्त केला होता. जो बिबट्या मारला गेला मात्र दुसरा एखादा बिबट्या असावा अशी शंका व्यक्त होत आहे.
