रस्ता चुकल्याने घडला विचित्र अपघात
टीम : ईगल आय मीडिया
राजस्थान मधील जालोर जवळ झालेल्या एका विचित्र अपघातात बसला विजेचा धक्का बसून 6 प्रवाशी ठार झाले आहेत तर 20 जण जखमी झाले आहेत. त्यातील 7 जण गंभीर जखमी आहेत अशी माहिती जालोरच्या जिल्हाधिकाऱ्यानी दिली.
शनिवारी रात्री उशिरा मार्ग चुकलेली बस जालोर जिल्ह्यातील महेशपुरा गावाजवळ ही बस आलेली असताना रस्त्यावर लोंबकळत असलेल्या विजेच्या तारेला काठीच्या साहाय्याने वर उचलून बस पुढे घेऊन जाण्याचा प्रयत्न केला जात होता.
प्राप्त माहितीनुसार प्रवाशांनी भरलेली ही बस रस्ता चुकल्याने गावात पोहचली होती. ही बस मांडोलीहून ब्यावरकडे निघाली होती. मात्र रात्री रस्ता चुकल्याने ती महेशपुरा गावात आली होती. त्यानंतर गावातील वीज तारांशी संपर्क झाल्याने बसने पेट घेतला व भीषण दुर्घटना घडली.
बस चा क्लिनर बसवर चढून तार उचलून घेत असताना ती सटकली आणि क्लिनर च्या गळ्याला अडकली. वीज प्रवाह सुरू असल्याने क्लिनरचा तर मृत्यू झालाच परंतु वीज प्रवाह बसमध्ये उतरल्याने आतील प्रवाशांना ही विजेचा धक्का बसला.
जालौरच्या जिल्हाधिकाऱ्यांनी याबाबत माहिती देताना सांगितले की, या दुर्घटनेत सहा प्रवाशांचा मृत्यू झाला असून, सात गंभीर जखमींना जोधपूर येथील रुग्णालयात हलवण्यात आले आहे. याशिवाय अन्य १३ प्रवाशांवर स्थानिक जिल्हा रुग्णालयात उपचार सुरू आहेत.
