स्वेरीच्या ६ विद्यार्थ्यांची मॅग्ना इंटरनॅशनल च्या ‘मॅग्ना सिटींग’ या कंपनीमध्ये निवड

ऍटोमोटीव्ह क्षेत्रातील जगातील सर्वोकृष्ट चार कंपन्यांपैकी एक ‘मॅग्ना सिटींग’ कंपनी

पंढरपूर : eagle eye news

‘मॅग्ना सिटींग’ या कंपनीसाठी घेतलेल्या मुलाखतीत गोपाळपूर (ता.पंढरपूर) येथील श्री.विठ्ठल एज्युकेशन अँड रिसर्च इन्स्टिटयूट संचलित अभियांत्रिकी महाविद्यालयाच्या मेकॅनिकल इंजिनिअरिंग या विभागातील ६ विद्यार्थ्यांची कॅम्पस इंटरव्युवद्वारे निवड करण्यात आली असून स्वेरीकडून यंदा विद्यार्थ्यांना सहाशे हून अधिक नोकरीच्या संधी उपलब्ध करून देण्यात आल्या आहेत.’ अशी माहिती संस्थेचे संस्थापक सचिव व अभियांत्रिकी महाविद्यालयाचे प्राचार्य डॉ.बी.पी. रोंगे यांनी दिली.

‘मॅग्ना सिटींग’ या कंपनीसाठी मॅग्ना ग्रुपच्या माध्यमातून गोपाळपूर येथील इंजिनिअरिंग कॉलेजमधील विद्यार्थ्यांच्या मुलाखती घेण्यात आल्या. या निवड प्रक्रियेच्या अंतिम फेरीतून त्यांनी मेकॅनिकल इंजिनिअरिंग विभागामधील सुहास नागनाथ नष्टे, बालाजी राजेंद्र पिसे, विक्रम विलास रोंगे, दीप्ती संतोष कदम, स्वप्नाली ज्ञानेश्वर कलुबर्मे व राकेश प्रकाश बिराजदार या ६ विद्यार्थ्यांची निवड केली.

स्वेरीच्या मेकॅनिकल इंजिनिअरिंग विभागाचे माजी विद्यार्थी या कंपनीमध्ये मागील पाच ते दहा वर्षापेक्षा अधिक काळापासून कार्यरत आहेत. त्यांच्या कार्याचा आलेख पाहून कंपनीने स्वेरीच्या विद्यार्थ्यांना या संधी दिल्या आहेत. स्वेरीचे माजी विद्यार्थी प्रत्येक वर्षी प्लेसमेंट व संबंधित गोष्टींमध्ये मोलाचे सहकार्य करत असतात. त्यांच्या सहकार्यामुळे आज विद्यार्थ्यांना नोकरीच्या चांगल्या संधी मिळत आहेत.१९९८ साली स्थापन झालेल्या स्वेरी अभियांत्रिकी मधून प्लेसमेंटच्या माध्यमातून आजपर्यंत हजारो विद्यार्थ्यांना नोकऱ्या देण्यात आल्या आहेत. स्वेरीचे विद्यार्थी आज विविध राष्ट्रीय व आंतरराष्ट्रीय कंपन्यात आपले उत्तम करिअर घडवीत आहेत.

विद्यार्थ्यांना ट्रेनिंग व प्लेसमेंट विभागामार्फत स्वतंत्रपणे कुशल प्रशिक्षकांद्वारे एप्टीट्युड, कम्युनिकेशन स्कील, टेक्निकल स्कील, विविध सॉफ्टवेअर्स, मॉक इंटरव्युव्ह यांचे प्रशिक्षण दिले जाते. स्वेरीमध्ये वार्षिक परीक्षांचे उत्कृष्ट निकाल, संशोधने, मानांकने, इन्फ्रास्ट्रक्चर याबरोबरच विद्यार्थ्यांच्या भवितव्याचा विचार करून करिअरच्या दृष्टीने सर्वात महत्वाच्या समजल्या जाणाऱ्या प्लेसमेंटकडे देखील अधिक लक्ष दिले. विद्यार्थ्यांचे परिश्रम, शिक्षकांचे प्रयत्न आणि स्वेरीतील शैक्षणिक कल्चर यामुळेच स्वेरीतील विद्यार्थ्यांना नोकरीच्या भरपूर संधी उपलब्ध होत आहेत आणि त्यातून स्वेरीवर असलेला पालकांचा विश्वास अधिक दृढ होत आहे.

सदर विद्यार्थ्यांना महाविद्यालयातील तज्ञ प्राध्यापकांचे मार्गदर्शन लाभले. शिक्षण पूर्ण होण्यापूर्वीच विद्यार्थ्यांना नोकरीची संधी उपलब्ध होत असल्याने विशेषतः पालक वर्गात आनंदाचे वातावरण पसरले आहे. संस्थेचे संस्थापक सचिव व प्राचार्य डॉ.बी.पी.रोंगे, संस्थेचे अध्यक्ष दादासाहेब रोंगे, उपाध्यक्ष हनीफ शेख तसेच संस्थेचे विश्वस्त व पदाधिकारी, स्वेरी कॅम्पस इन्चार्ज डॉ. एम.एम. पवार, स्वेरी अंतर्गत असलेल्या इतर महाविद्यालयांचे प्राचार्य, अधिष्ठाता, विभागप्रमुख, प्राध्यापक वर्ग, शिक्षकेतर कर्मचारी, विद्यार्थी यांच्यासह पालकांनी ‘मॅग्ना सिटिंग’ या कंपनीमध्ये कॅम्पस इंटरव्ह्यूमधून निवड झालेल्या सर्व विद्यार्थ्यांचे अभिनंदन केले.