एस. एम. अवताडे कन्स्ट्रक्शन कंपनीच्या टिपरला मोटारसायकल ची धडक
माळशिरस : ईगल आय मीडिया
वेळापूर (ता.माळशिरस ) येथील अपघातातील जखमी युवकाचा मृत्यू झाला असून या अपघातातील मृतांची संख्या 3 झाली आहे. धनाजी संजय जाधव असे तिसऱ्या मयत युवकाचे नाव आहे.
वेळापूर येथे उघडेवाडी चौकात एस एम अवताडे कन्स्ट्रक्शन कंपनीच्या टिपरला मोटारसायकल धडकून झालेल्या अपघातात 2 युवक ठार झाले आहेत.त्याच अपघातात 1 युवक गंभीर जखमी झाला होता.
त्याला अकलूज येथे खासगी रुग्णालयात उपचारासाठी दाखल केले होते. तेथे उपचारा दरम्यान जखमी युवकाचे निधन झाले आहे. त्यामुळे या अपघातातील मयतांची संख्या 3 झाली आहे. या प्रकरणात अद्यापही पोलीस ठाण्यात गुन्हा दाखल झाला नाही.