आ.भारत भालके यांच्याकडून अजितदादाना शुभेच्छा
पंढरपूर ; ईगल आय मीडिया
राज्याचे धडाडीचे उपमुख्यमंत्री अजितदादा पवार हे मुख्यमंत्री व्हावेत अशी राज्यातील कार्यकर्त्यांसोबतच आपली ही इच्छा आहे, आणि ते लवकरच मुख्यमंत्री व्हावेत अशा शब्दात वाढदिवसानिमित्त उपमुख्यमंत्री अजित पवार यांना पंढरपूरचे आमदार भारत भालके यांनी सदिच्छा दिल्या आहेत.
आज दि. 22 जुलै रोजी उपमुख्यमंत्री अजित पवार यांचा वाढदिवस आहे. कोरोनाच्या पार्श्वभूमीवर वाढदिवस साजरा करू नये अशी सूचना अजित पवार यांनी राज्यातील कार्यकर्त्यांना केली आहे. त्यामुळे पंढरपूर शहरातही अजित पवारांचा वाढदिवस साधेपणाने साजरा होईल असे कार्यकर्त्याकडून सांगितले जाते.
अजित पवारांच्या वाढदिवसाच्या पूर्वसंध्येला मंगळवार ( दिनांक 21 जुलै ) रोजी पंढरपूरचे आमदार भारत भालके यांनी अजित पवार यांना वाढदिवसानिमित्त शुभेच्छा देणारा व्हिडिओ व्हायरल केला आहे.
या व्हीडिओमध्ये आमदार भालके यांनी अजित पवारांच्या कामाचे, त्यांच्या धडाडीचे कौतुक केले आहे. व अजित पवार यांना लवकरच मुख्यमंत्री पदाची संधी मिळावी, त्यांना दीर्घायुष्य लाभावे अशा सदिच्छा या व्हिडिओमध्ये आमदार भालके यांनी व्यक्त केल्या आहेत.
