91 गावांचे सरपंच फेर आरक्षण : 26 तारखेला सरपंच निवडी
पंढरपूर : ईगल आय मीडिया
पंढरपूर तालुक्यातील 91 गतामपंचायतीच्या फेर आरक्षण सोडतीत जवळपास 20 गावातील आरक्षण बदलले असून भोसे,भाळवणी, सरकोली, पटवर्धन कुरोली अशी मोठी सर्वसाधारण झाले आहेत. तर गादेगाव, भंडीशेगाव, नारायण चिंचोली, वाखरी, पोहोरगाव, शेंडगेवाडी, करकम्ब, पटवर्धन कुरोली अशा मोठ्या गावांचे आरक्षण बदलले आहे. पंढरपूर प्रांत कार्यालयाच्या सांस्कृतिक भवनमध्ये उपजिल्हाधिकारी गजानन गुरव, तहसीलदार सुशील बेल्हेकर, गटविकास अधिकारी रविकिरण घोडके यांच्या उपस्थितीत आरक्षण सोडत जाहीर करण्यात आली.
या आरक्षण सोडतीत मागीलवेळी काढलेल्या आरक्षणामध्ये बदल झाले आहेत. त्यामुळे अनेक गावातील राजकीय वातावरण पुन्हा ढवळून निघाले आहे. नवीन आरक्षणानुसार २६ फेब्रुवारी रोजी ७२ गावातील सरपंच, उपसरपंच पदाच्या निवडी घेतल्या जाणार आहेत.
यामध्ये अनुसूचित जमाती : तारापूर, अनु जमाती महिला : रोपळे, शेगाव दुमाला
अनुसूचित जाती : पोहोरगाव, सुगाव खुर्द, खरसोळी, पळशी, चळे, मेंढापूर, सुस्ते, आंबे चिंचोली, सोनके, बार्डी आदी १० गावांचा समावेश आहे.
अनुसूचित जाती महिला : पुळूजवाडी, शेंडगेवाडी, आव्हे-तरटगाव, उंबरगाव, भटुंबरे, नेपतगाव, शिरढोण, शेवते, कोंढारकी, तिसंगी,
नामाप्र : जाधववाडी, लोणारवाडी, शिरगाव, आढीव, नारायण चिंचोली, खरातवाडी, गोपाळपूर, कोर्टी, ईश्वरवठार, बोहाळी, उपरी, नांदुरे, करकंब
नामाप्र महिला : आजोती, पांढरेवाडी, तनाळी, जैनवाडी, केसकरवाडी, खेडभोसे, चिंचोलीभोसे, गार्डी, शंकरगाव-नळी, नेमतवाडी, पिराची कुरोली, व्होळे,
सर्वसाधारण : कान्हापुरी, करोळे, सांगवी, बादलकोट, पटवर्धन कुरोली, वाडीकुरोली, भोसे, देवडे, चिलाईवाडी, गुरसाळे-वेणुनगर, खेडभाळवणी, धोंडेवाडी, भाळवणी, टाकळी, अजनसोंड, बिटरगाव, मुंढेवाडी, अनवली, फुलचिंचोली, पुळूज, सरकोली, उजनी वसाहत, तावशी, मगरवाडी आदी २३ गावांचा समावेश आहे.
सर्वसाधारण महिला : उंबरे, जळोली, पेहे, सुगाव भोसे, शेळवे, भंडीशेगाव, कौठाळी, वाखरी, गादेगाव, बाभुळगाव, देगाव, रांझणी, सिद्धेवाडी-तरटगाव, एकलासपूर, कासेगाव, खर्डी, शेटफळ, आंबे, विटे, ओझेवाडी, टाकळी-गुरसाळे, सुपली, तुंगत आदी ५७ गावांचा समावेश आहे.
आज आरक्षण सोडत जाहीर झाल्यानंतर पंढरपूर तालुक्यात २० गावांच्या आरक्षणात बदल झाला आहे. सरपंच, उपसरपंच निवडी २६ फेब्रुवारी रोजी घेण्यात येणार आहेत. मागीलवेळी आरक्षण सोडतीत ४५ ठिकाणी महिला सरपंचांना सरपंच म्हणून काम करण्याची संधी मिळणार होती. मात्र आज नव्याने ९४ गावांच्या काढलेल्या आरक्षण सोडतीत जवळपास ५७ गावातील महिलांसाठी सरपंचपद आरक्षीत करण्यात आले आहे. त्यामुळे तालुक्यात निम्म्यापेक्षा जास्त ग्रामपंचायतींवर महिलाराज येणार आहे.
