लव्हलीन बोर्गोहेंनची बॉक्सिंग सेमी फायनल मध्ये धडक
टीम : ईगल आय मीडिया
भारताची युवा बॉक्सिंगपटू लव्हलिना बोर्गोहेनने ऑलिम्पिकमध्ये आज ( शुक्रवारी ) टोकियो ऑलिम्पिकमध्ये भारताचे आणखी एक पदक निश्चित केले आहे. महिलांच्या ६९ किलो वजनी गटातील रोमहर्षक उपांत्यपूर्व फेरीच्या लढतीत लव्हलिनाने चायनीज तैपईची माजी जगज्जेती निन-चीनवर सरशी साधत मात केली आहे. मीराबाई चानु पाठोपाठ लव्हलिनाने ऑलिम्पिकमध्ये भारताचं पदक निश्चित केलं आहे.
बॉक्सिंगमध्ये उपांत्य फेरी गाठली की पदकाची खात्री होते. लव्हलिनाची उपांत्य फेरीत २०१९ च्या विश्वविजेत्या टर्कीच्या अ‍ॅना लिसेन्कोशी लढत होईल. लव्हलिना ऑलिम्पिकमध्ये पदक मिळवणारी भारताची दुसरी भारतीय महिला बॉक्सर बनली आहे.
त्याच्या आधी मेरी कोमने लंडन ऑलिम्पिकमध्ये २०१२ मध्ये कांस्यपदक जिंकले होते. बॉक्सिंगमध्ये पुरुष आणि महिला दोघांमध्ये ऑलिम्पिक पदक जिंकणारी लव्हलिना तिसरी भारतीय आहे. पुरुषांमध्ये विजेंदर सिंगने २००८ च्या बीजिंग ऑलिम्पिकमध्ये कांस्यपदक जिंकले होते
