पंढरपूर : ईगल आय मीडिया
‘प्रथम वर्ष व थेट द्वितीय वर्ष अभियांत्रिकी (पदवी) च्या ऑनलाईन प्रवेश प्रकिया (कॅप) आज बुधवार दि.०९ डिसेंबर २०२० पासून सुरू होत असून, या प्रक्रिया साधारणपणे जानेवारी २०२१ च्या मध्यापर्यंत चालणार आहेत.’ अशी माहिती स्वेरीचे संस्थापक सचिव व प्राचार्य डॉ.बी.पी.रोंगे यांनी दिली.
कोरोनाच्या पार्श्वभूमीवर लांबलेल्या या प्रवेश प्रक्रिया ऑनलाईन पध्दतीने होणार असून स्वेरी अभियांत्रिकी मध्ये सॅनिटायझेशन व सोशल डिस्टनसिंग पाळून ऑनलाईन रजिस्ट्रेशनची मोफत सुविधा उपलब्ध करून देण्यात आलेली आहे. महाराष्ट्र शासनाच्या राज्य सामाईक प्रवेश परीक्षा कक्षाच्या संकेतस्थळावर या प्रक्रियेबाबत सविस्तर माहिती देण्यात आलेली आहे.
अभियांत्रिकीच्या प्रवेशासंदर्भात अधिक माहितीसाठी अभियांत्रिकी प्रवेश प्रक्रियेचे अधिष्ठाता डॉ. धनंजय चौधरी (९८६०१६०४३१), स्वेरीचे कॅम्पस इन्चार्ज प्रा. एम. एम. पवार (९५४५५५३८८८), प्रथम वर्ष अभियांत्रिकीचे विभागप्रमुख डॉ. सतीश लेंडवे (९५४५५५३८७८), प्रा.एम.ए. देशमुख (९९७०२७७१५०) व प्रा. यु. एल. अनुसे (९१६८६५५३६५) या क्रमांकावर संपर्क साधण्याचे आवाहन केले आहे.
या प्रवेश प्रक्रियेच्या पहिल्या टप्प्यात ऑनलाईन रजिस्ट्रेशन करणे, स्कॅन केलेली कागदपत्रे अपलोड करणे आदी बाबींचा समावेश आहे. ऑनलाईन रजिस्ट्रेशन करताना विद्यार्थ्यांना त्यांच्या प्रवर्गानुसार ऑनलाईन रजिस्ट्रेशन फी भरावी लागणार आहे. खुल्या प्रवर्गासाठी ही फी रुपये ८०० एवढी असून इतर सर्व प्रवर्गासाठी ती रुपये ६०० एवढी आहे. सदर फी विद्यार्थी एटीएम अथवा ऑनलाईन बँकिंग च्या सहाय्याने भरू शकतात. प्रवेश प्रक्रियेच्या नंतरच्या टप्प्यात प्रवेश अर्जांचे ऑनलाईन कन्फर्मेशन, अंतिम गुणवत्ता यादी प्रसिद्ध होणे, प्रथम व द्वितीय फेरीसाठी ऑप्शन फॉर्म भरणे आदी बाबींचा समावेश आहे.
