प्रगतशील शेतकरी, श्री विजयकुमार यादव यांची यशोगाथा
पंढरपूर : प्रतिनिधी
मौजे मारापूर (ता. मंगळवेढा ) येथील श्री. विजयकुमार यादव यांनी आपल्या शेतामधे सुपर सोनाका या द्राक्ष वाणाची लागवड करून भरघोस उत्पादन घेतले आहे. तसेच तरुण शेतकऱ्यांनी नियोजनात्मक द्राक्ष करावी असे आवाहन केले आहे.
यादव यांच्या द्राक्ष बागेस महात्मा फुले कृषी विद्यापीठाअंतर्गत कृषी महाविदयालय, धुळे येथील कृषीकन्या कु. आकांक्षा महादेव जेधे
यांनी भेट दिली आणि त्यांच्याशी संवाद साधला.
यावेळी त्यांनी आपल्या यशाची त्रिसुत्री सांगितली की, योग्य नियोजन, तयानुसार अंमलबजावणी, योग्य विक्री व्यवस्था, शेतीवर निष्ठा ही माझ्या यशाची त्रिसूत्री आहे. तरुण शेतकऱ्यांनी बाजारपेठेचा कल आणि ग्राहकांच्या मागणीनुसार योग्य पिकांची, फळ बागाची लागवड केल्यास भरघोस उत्पादन घेता येते. सुपीक, निरोगी पिकांसाठी माती परिक्षण, पाण्याचे परीक्षण आणि त्याचे नियोजन योग्य करावी लागते. खतांची योग्य मात्रा यांचा वापर करून चांगले उत्पादन घेतल्याचे त्यांनी सांगितले.
पुढे बोलताना सांगितले की, तरुण शेतक-यांनी शेतीत आधुनिक तंत्रज्ञानाचा वापर केल्यास शेतीसुद्धा फायदेशीर ठरू शकते. आजच्या युवकांनी शेतीकडे सकारात्मक दृष्टीने पाहावे, असे आवाहन सुद्धा केला.
यावेळी कु.आकांक्षा जेधे या विद्यार्थीनीने द्राक्ष बागेची पाहणी करून सखोल माहिती व नोंदी घेतल्या.
