आ. आशुतोष काळे यांच्या हस्ते वितरण
कोपरगाव : ईगल आय मीडिया
सामाजिक न्याय विभाग व श्री संत रोहिदास महाराज चर्मोद्योग व चर्मकार विकास महामंडळ यांच्या वतीने कोपरगाव तालुक्यातील ४४ गटई कामगारांना गटई स्टॉलचे आ. आशुतोष काळे यांच्या हस्ते आज वितरण करण्यात आले.
कोपरगाव तालुक्यातील ४४ गटई कामगारांना प्रत्येकी ४०,००० रुपये याप्रमाणे १७.६० लाख रुपये निधीतून सदर स्टॉल देण्यात आले असून प्रत्येक कामगाराला प्रत्येकी ५०० रुपये रोख साहित्य खरेदीसाठी देखील देण्यात आले आहेत.
यावेळी कर्मवीर शंकरराव काळे सहकारी साखर कारखान्याचे व्हा. चेअरमन सुधाकर रोहोम, चेर्मोद्योग जिल्हा व्यवस्थापक एस.एम. तडवी, समाज कल्याण निरीक्षक बी.व्ही. देव्हारे, अमोल राऊत, कोपरगाव जिनिंग व प्रेसिंगचे चेअरमन गोरक्षनाथ जामदार, नगरसेवक मंदार पहाडे, सुनील शिलेदार, अजीज शेख, प्रसाद साबळे, डॉ. तुषार गलांडे, अॅड.मनोज कडू, रावसाहेब साठे, लाभार्थी सौ. राधा गवळी, सौ. सुनिता पोटे, पोपट दुशिंग, चांगदेव भागवत, राजेंद्र कांबळे, संतोष बनसोडे, भास्कर कांबळे, नंदकुमार कांबळे आदी लाभार्थी उपस्थित होते.
