पंढरपूर : ईगल आय मीडिया
पंढरपूर येथील लायन्स व लायनेस क्लब यांच्यावतीने माजी आम.कर्मयोगी कै.सुधाकरपंत परिचारक यांना श्रद्धांजली वाहण्यासाठी दिनांक २३ ऑगस्ट २०२० रोजी लायन्स क्लब संचलित शहिद कुणालगीर गोसावी अंधशाळेमधे शोकसभेचे आयोजन केले होते.
शोकसभेमधे मा. आम.सुधाकरपंत परिचारक यांना श्रद्धांजली वाहताना सर्वांच्याच भावना अनावर झाल्या होत्या.लायन्स आणि लायनेस क्लबचा फार मोठा आधारस्तंभ निखळल्याचे दुःख ला.डॉ.विवेक गुंडेवार यांनी व्यक्त केले. ला.रा.पां.कटेकर यांनी पुत्रवत प्रेम करणारे पित्यासमान छत्र गमावल्याचे दुःख व्यक्त केले. तर अध्यक्षा ला.डॉ.सुजाता गुंडेवार यांनी तळागाळातील लोकांना आपलेसे करून सर्वांची मने जिंकणारा पवित्र असा राजकीय संत निवर्तल्याचे दुःख व्यक्त केले. ला.ललिता कोळवले यांनी, आमचा पांडुरंग आम्हाला सोडून गेल्याचे दुःख व्यक्त केले.
शोकसभेचे संचालन कुलकर्णी मॅडम यांनी केले.
अधशाळेचे अध्यक्ष ला.मुन्नागिर गोसावी,ला.कैलास करंडे,नितीन कटप तसेच अंध शाळेचे कर्मचारी तसेच लायन्स लायनेस सदस्य उपस्थित होते.
