पंढरपूर : ईगल आय मीडिया
युटोपियन शुगर्सचे मार्गदर्शक आ.प्रशांत परिचारक यांच्या वाढदिवसानिमित्त मंगळवार (दि.11 रोजी) रोजी युटोपीयन शुगर्स लि. कचरेवाडी (ता.मंगळवेढा) येथे रक्तदान शिबिराचे आयोजन करण्यात आले.
या शिबिराचे उदघाटन माजी सैनिक शिवाजीराव माने यांच्या शुभ हस्ते करण्यात आले. यावेळी युटोपियन शुगर्स चे सर्व अधिकारी,खाते-प्रमुख,व कर्मचारी उपस्थित होते.सदर च्या शिबिरात १०१ रक्त दात्यांनी सहभाग घेतला होता.
कोरोंनाच्या पार्श्वभूमीवर स्वछ वातावरणात, व गर्दी टाळत सोशल डिस्टिंनसिंगचे पालन करीत या शिबिराचे आयोजन केले होते.
सामाजिक कार्यात नेहमी अग्रेसर असणार्या युटोपियन शुगर्सद्वारे दरवर्षी विविध सामाजिक उपक्रम राबविले जातात.
कोरोंनामुळे नियमित चालणार्या रक्त दान शिबिरांना फटका बसला असल्याने राज्यात अवघ्या १५-२० दिवसांचाच रक्त साठा शिल्लक असल्याची माहिती सरकारकडून देण्यात आली असून त्यामुळेच रक्तदान शिबिराचे आयोजन करण्याचे आवाहन युटोपियन शुगर्स प्रशासनाच्यावतीने करण्यात आले आहे, तसेच रक्त दात्यांचे आभार मानले.
रक्तदान केलेल्या व्यक्तींना स्यानीटाईजर,हेलमेट,पाण्याचे जार या सारख्या वस्तु भेट म्हणून देण्यात आल्या. सदर रक्त-दान शिबीर प्रसंगी पंढरपूर अर्बन बँकेचे मुख्य कार्यकारी अधिकारी उमेश विरधे यांनी सदिच्छा भेट देऊन आभार व्यक्त केले.
