८० तील वयोवृध्दाची इच्छा आ.यशवंत माने यांनी केली पूर्ण
फुलचिंचोली : ईगल आय मीडिया
विवाह सोहळा असो या अन्य कार्यक्रम स्थळी आमदार,मंत्री,खासदार यांच्या सह सेलिब्रेटी यांची उपस्थित लाभल्यास सेल्फी व फोटो काढण्यासाठी युवकाची झुंबड उडालेली पाहावयास मिळत आहे. मात्र मोहोळ तालुक्यातील मसले चौधरी येथे मात्र एक आगळेवेगळे दृश्य पाहावयास मिळाले.
रविवार ( दि १० रोजी ) मोहोळ तालुक्यातील मसले चौधरी येथे पोटरे बाप्पा यांच्या कडील विवाहास आमदार यशवंत माने व पंचायत समिती सदस्य अजिंक्यराणा पाटील यांनी हजेरी लावली. यावेळी आमदार माने व अजिंक्यराणा यांच्या समवेत फोटो काढण्यासाठी नेहमी प्रमाणे युवकाची मोठी झुंबड उडाली होती.
मात्र या युवकाचा मोह पाहून ८० वर्षातील वयोवृध्दाना सुद्धा आमदार यशवंत माने यांच्यासमवेत फोटो काढण्याचा मोह आवरला नाही. परंतु गाडी जवळ येइपर्यंत पुढील कार्यक्रमासाठी आमदार माने गाडीत बसले आणि गाडी सुरू होताच ८० वर्षातील वयोवृद्ध गाडी जवळ आले. कार्यकर्त्यांनी आमदार माने याांची गाडी थांबवली.
आजोबांना तुमच्या सोबत फोटो काढायचा आहे,असे सांगताच क्षणाचा ही विलंब न करता गाडी थांबवून खाली उतरून त्या ८० वर्षाच्या वयोवृध्दाबरोबर फोटो काढले व त्यांचे आमदार माने यानी पाया पडून आशीर्वाद घेतले. त्यानंतर त्या ८० तील वयोवृध्दाच्या चेहऱ्यावर एक प्रकारचा आनंद दिसून आला.
