पंढरपूर : ईगल आय मीडिया
८ मार्च जागतिक महिला दिनाचे औचित्य साधून पंढरपूर रनर्स असोसिएशन, पंढरपूर सायकलर्स क्लब व निर्भया पथक यांच्या संयुक्त विद्यमाने दिनांक ७ मार्च २०२१ रोजी रविवारी सकाळी शहरात महिला सायकल रॅलीचे आयोजन करण्यात आले होते
कोरोना च्या काळात आपली शारिरीक क्षमता हीच आपली रोग प्रतिकारक शक्ती आहे, आणि आपली अंतर्गत शक्ती वाढविण्यासाठी व्यायाम, सायकलिंग हेच पर्याय आहेत, म्हणूनच महिला दिनाच्या निमीत्त सायकल रॅलीचे आयोजन करण्यात आले.
रॅलीमध्ये महिला डॉक्टर, वकील ,शिक्षिका, गृहिणी ,शालेय मुली तसेच निर्भया पथकातील सर्व महिला यांनी सहभाग घेतला. या रॅलीस पंढरपूर शहर वरिष्ठ पोलीस निरीक्षक अरुण पवार यांनी हिरवा झेंडा दाखवून रॅलीस सुरुवात केली, या रॅलीसाठी ग्रामीण पोलीस निरीक्षक प्रशांत भस्मे, निर्भया पथक प्रमुख राजेंद्र गाडेकर हे उपस्थित होते.
ही रॅली छत्रपती शिवाजी महाराज चौक येथून सुरुवात करून सावरकर चौक, इंदिरा गांधी चौक, अर्बन बँक, भादुले चौक, नाथ चौक, चौफळा मार्गे परत छत्रपती शिवाजी महाराज चौक या ठिकाणी आली. सहभागी सर्व महिला स्पर्धकांना सहभाग प्रमाणपत्र व गुलाबपुष्प देऊन सन्मानित करण्यात आले.याठिकाणी निर्भया पथकाच्या कुसुम क्षीरसागर मॅडम यांनी मार्गदर्शन केले अणि एक महिला सामाजिक जागृतीसाठी प्रतिज्ञा घेतली.
या कार्यक्रमासाठी प्रमुख उपस्थिती पंढरपूर शहर वरिष्ठ पोलीस निरीक्षक श्री.अरुण पवार, ग्रामीण पोलीस निरीक्षक प्रशांत भस्मे, निर्भया पथक पोलीस उपनिरीक्षक गाडेकर, रनर्स असोसिएशन पंढरपूरचे संचालक मंडळ विश्वंभर पाटील , बालाजी शिंदे , डॉ. आशिष शहापुरे, रेखा चंद्रराव, डॉ.संगीता पाटील ,महेश भोसले त्याच बरोबर पंढरपूर सायकल क्लब चे सदस्य प्रकाश शेटे ,संतोष कवडे ,श्रीकांत बडवे ,सतिश चंद्रराव आदी.
