पंढरपूर : ईगल आय मीडिया
येथील पुण्यश्लोक आहिल्यादेवी होळकर वाडा याठिकाणी आज शिवराज्याभिषेक दिन साजरा करण्यात आला. होळकर ट्रस्टच्या वतीने या कार्यक्रमाचे आयोजन करण्यात आले.
होळकर वाड्यातील पुण्यश्लोक अहिल्यादेवी होळकर यांच्या मुर्तीजवळ छत्रपती शिवाजी महाराजांच्या मूर्तीची स्थापना करून त्यांची पूजा करण्यात आली. त्यानंतर अहिल्यादेवी होळकर यांच्या मूर्तीचे पूजन महाराष्ट्र नवनिर्माण सेनेचे प्रदेश सरचिटणीस दिलीपबापू धोत्रे, माजी नगराध्यक्ष नागेश भोसले यांच्या हस्ते करण्यात आले आणि शिवनामाचा जयघोष करण्यात आला.
यावेळी भाजपचे तालुका अध्यक्ष भास्कर कसगवडे, मनसे तालुका अध्यक्ष शशिकांत पाटील, शाम गोगाव, महेश म्हेत्रे, नागेश इंगोले, गणेश पिंपळणेरकर, दत्ता पवार,वैभव लिंगे, पांडुरंग ढोपे, संतोष सादिगले, अण्णा अभंगराव, सुभानराव घोडके, पुजारी चांदुकाका दंडवते इत्यादी उपस्थित होते. कार्यक्रमाचे संयोजन होळकर ट्रस्टचे व्यवस्थापक माजी नगरसेवक आदित्य फत्तेपुरकर यांनी केले.
