पंढरपूर: : ईगल आय मीडिया
श्री विठ्ठल रूक्मिणी मातेच्या चंदनउटीपुजा परंपरेनुसार दि.25 मार्च ते दि.08 जून या कालावधीत संपन्न झाल्या. या चंदनउटी पुजेची सांगता पुजा मंगळवार, दि.09 मे रोजी पुजारी श्री.महेश पुजारी व श्री.रूक्मिणी मातेकडे पुजा करणारे पुजारी श्री.प्रसाद दशपुत्रे यांच्या हस्ते सपत्नीक संपन्न झाली.
यावेळी मंदिरे समितीचे कार्यकारी अधिकारी श्री.विठ्ठल जोशी व व्यवस्थापक श्री.बालाजी पुदलवाड उपस्थित होते.
सद्यस्थितीत कोरोना व्हायरसचा प्रादुर्भाव लक्षात घेता, तातडीने खबरदारीच्या प्रतिबंधात्मक उपाययोजना करणे आवश्यक असल्याने, भाविकांच्या सुरक्षतेच्या दृश्टीने मंदिर दि.17 मार्च ते दि.30 जुुन पर्यंत भाविकांना बंद आहे.
