सांगोला येथील अपघातात पंढरपूर चे तीघे ठार

राजेंद्र शेटे, त्यांच्या अल्पवयीन मुलीसह पत्नीचा अपघाती मृत्यू

सांगोला : ईगल आय मीडीया

सांगोला तालुक्यात झालेल्या अपघातात पंढरपूर येथील राजेंद्र शेटे आणि त्यांच्या पत्नीसह अल्पवयीन मुलीचा मृत्यू झाला. मंगळवार दि.१२ जानेवारी रोजी सायंकाळी 7 वा. च्या समारास घडला आहे. आपल्या कुटुंबासहित आईला भेटण्यासाठी आलेल्या मुलाचा दुर्दैवी मृत्यू झाल्याची घटना सांगोला-पंढरपूर रोड वरील बिलेवाडी पाटीजवळ झालेले अपघात झाला.

सांगोला – पंढरपूर रोड वरील बिलेवाडी पाटी जवळ आयशर टेंपो (क्रमांक – एम एच १०, ए डब्यु ७६४२) बजाज मोटरसायकल (क्रमांक – एम एच १२ डी के – ४०४९) व महिंद्रा कार एक्स यु व्ही (क्रमांक – एम एच १० एल एक्स ३८१) मध्ये तिहेरी अपघात झाला या अपघातामध्ये राजेंद्र निवृत्ती शेटे (वय ३५) व त्यांची मुलगी नंदिनी राजेंद्र शेटे (वय ६), पत्नी अर्चना राजेंद्र शेटे (वय ३०), हे गंभीर जखमी होऊन ठार झाले. मयताची मुलगी स्वरा राजेंद्र शेटे (वय ४) व समृद्धी राजेंद्र शेटे (वय ७) हे जखमी झाले आहेत.

मयत राजेंद्र शेट्टे हे आपल्या पत्नी व मुलींसह हनुमंतगाव (ता. सांगोला) येथे आईला भेटण्यासाठी आले होते. आईला भेटुन शेट्टे पंढरपूरला घरी जात असतानाच बिलेवाडी पाटीजवळ त्यांची मोटरसायकल, आयशर टेम्पो व महिंद्रा कार यांच्यामध्ये भीषण आपघात झाला. या अपघातामध्ये कारमधीलही जखमी झाल्याची माहिती घटनास्थळावरील नागरिक सांगत होते. रात्री उशिरापर्यंत अपघाताची नोंद करण्याचे काम सुरू होते.